الرئيسية » أخبار رئيسية » شارع محمد محمود بقلم شمس علي الدين
شارع محمد محمود

شارع محمد محمود بقلم شمس علي الدين

اكتب يا تاريخ قصتي ومتسبش سطر
اكتب ورايه وانا بهتف واقول راجعه
وشايف دمعها نازل ومش فاهم
بتبكي ليه وانا قصادك ومش سايبك؟
بتبكي ليه دنا مظلوم منيش ظالم
مكنتش اعرف ان دمعها كان علشاني
وان هتافي باسمها سبب موتي
وانها في الذكري هتبكي في مكاني
وتحلم وتتمني سماع صوتي
فاكتب يا تاريخ عدد الرصاص في جسمي
وقول ان الجرافيتي دا كان رسمي
اكتب كام صديق قلي سلام ومات
وسط الرصاص الغبي وسط الغازات
اكتب كمان مين اللي قال بلطجي
مين اللي خان علشان يلم اصوات
اكتب وقول للجميع مطلبي
وفي كل ذكري قولهم ليه مات

Comments

comments