الرئيسية » أخبار رئيسية » أميمة ماهر تكتب: فيلم توم هانكس تعرية للعرب كلهم
لقطة عن فيلم توم هانكس

أميمة ماهر تكتب: فيلم توم هانكس تعرية للعرب كلهم

فيلم توم هانكس ما قبل الأخير بعتبره بمثابة “تعرية” للعرب كلهم .
أخر مشهد في الفيلم الطبيبة السعودية (اللي بتعالجه في أول الفيلم) بتتعرى تمامًا قدام توم هانكس وبعد كده بيحصل بينهم علاقة جسدية .
انا شايفة إن التعرية دي , المخرج مكانش يقصد بيها تعرية جسدية قد ما كان يقصد تعرية لكل مساوئ العرب .

المفروض إن توم هانكس كان رايح السعودية عشان يعرض على الملك مشروعه الجديد .
من وقت ما توم هانكس حط رجليه في السعودية وبتبدأ الأحداث كلها تبين لك طريقة تفكير العرب وطريقة إدارتهم للأمور .
1-ياخد ميعاد من النائب اللي هيرافقه طول الرحلة وكل ما يتفقوا على ميعاد النائب يا يعتذر يا ميجيش من غير ما يعتذر ( مواعيد بايظة وقلة ذوق ) أو يروح ميعاد تاني مفاجئ .. (عشوائية في التفكير وفي الشغل وعدم وضع أولويات) .
2-يبدأ توم هانكس يصاحب السواق اللي بيوصله كل يوم . السواق في مرة نسي ومشي في طريق المسلمين فبدل ما يرجع تاني وياخد طريق غير المسلمين خلى توم هانكس يلبس عقال وجلابية وكأنه مسلم عشان يعرف يعدي من الطريق ( غش وخداع ) .
3-توم هانكس متعود ع الشرب وطبعًا الخمور ممنوعة قانونًا في السعودية بس لقى اللي يجيب له خمرة متهربة ( إختراق قانون ) .
4-توم هانكس طول الوقت كان متضايق من الموقع اللي شغال فيه لقلة الأكل وسوء شبكة الإنترنت وعدم جودة التكييفات.. بس في مرة بيروح يلاقي الخيمة اللي شغال فيها بتتفرش بأحسن فرش والإنترنت بقى كويس جدااا وعمالين يحطوا في زرع وورد ويفرشوا الأرض سجاجيد والخيمة بقت قصر .. بس بنكتشف في أخر المشهد ده ان الملك داخل ( زي ما بيحصل عندنا في مصر لما مسؤول يروح يزور أي مكان ) 😀
المهم بتحصل له مشكلة صحية في نص الفيلم وبيروح لمستشفي وبالصدفة تكشف عليه طبيبة سعودية “ست”
5-لما بيجي تاني مرة المستشفى ميلاقيش الطبيبة فيسأل عليها يرد عليه طبيب تاني انها مجتش النهاردة ومش هتيجي .. بس لما توم هانكس بيخرج من اوضة الكشف بيشوف الدكتورة بالصدفة في اوضة تانية ( كدب ) .
6-بتجيله ازمة صحية بالليل وهو نايم فبيتصل بالطبيبة ويتصل بالسواق .. الطبيبة بتوصل الاول وبتعمله اسعافات اولية وبتنيمه على السرير وتقعد جنبه في الوقت اللي بيدخل فيه السواق اللي بيصمم ان في حاجة حصلت بين توم والطبيبة .. توم يابني والله مافي حاجة حصلت .. السواق ابدااا 😀 ( اتهام بالباطل وبدون بينة )
7-بيعمل عملية على ايد الطبيبة السعودية ولما بيخرج من المستشفى يبعتلها رسالة شكر وملاطفة خفيفة ميقصدش بيها حاجة . الطبيبة تبعت له رسالة ترد انها عايزة تقابله بره المستشفى ( ماصدقت ) 😀 .. ولما يروح يقابلها بنعرف من خلال كلامها ان في مشاكل بينها وبين جوزها وان في قضية طلاق شغالة في المحكمة .. بس تبدأ الطبيبة تلمح له على جواز ( عريس ياماي ) 😀
8-قبل ما يحصل الطلاق بتحصل علاقة جنسية بين توم والطبيبة ( خيانة , زنا ) .

طول الفيلم كدب وغش وخداع وإختراق قوانين وخيانة وزنا بس أول ما الأذان بيأذن يجروا يصلوا الصلاة في ميعادها 😀

وفي الأخر توم بيتجوز الطبيبة السعودية ويقرر انه يكمل حياته معاها .. أعتقد ان المشهد ده مقصود بيه ان رغم كل المساوئ اللي موجودة في العرب الا إن غصب عن الغرب في بينا مصالح مشتركة .
الفيلم خلى السعوديين في حالة غضب شديد بس أنا شايفة إن الفيلم مكدبش في أي حاجة , ومزيفش الحقائق وأعتقد إن الفيلم يقصدنا كلنا مش السعوديين بس .
العرب فعلا كل حياتهم كدب وغش وخداع وخرق للقوانين … الخ بس بيأدوا شوية عبادات زي الالات
العرب “مسلمين بلا إسلام حقيقي”

Comments

comments