الرئيسية » أخبار رئيسية » أقوى 3 تعريصات بعد حكم القضاء بمصرية تيران وصنافير بقلم محمود محمد حجازي
أم الدنيا - محمود حجازي
محمود حجازي

أقوى 3 تعريصات بعد حكم القضاء بمصرية تيران وصنافير بقلم محمود محمد حجازي

أقوى 3 تعريصات بعد الحكم بإن الجزر مصرية :

– المركز الثالث – التعريصة الفلزية لمصطفى بكري .

تعالوا نتفق إن مصطفى بكري عموما من الفلزات .. يعني موصل جيد للتعريص ؛ الأسبوع دا مصطفى بكري بيقدم باكورة إنتاجه التعريصي وبيشبة الوجود المصرى فى تيران وصنافير بالوجود الإسرائيلى فى طابا .. اه والله .. فعلها مصطفى بكري يا جماعة .. بيشبهنا بقوات الإحتلال وبينصح السعودية تروح للتحكيم الدولي 😀

وزي ما إتفقنا إن بكري من الفلزات .. التعريصة بتاعته نقدر كمان نسميها التعريصة السرمدية ؛ إن الكون لا يفقد أي من تعريصاته أو عناصره ؛ روح التعريصة ذات نفسها بتنتقل إلى أجساد تانية لتسكنها .. أول إمبارح التعريصة إنتقلت إلى جسد ياسر رزق .. وأتحفنا بمقال بيتكلم فيه ” إن مش معنى إن في عساكر مصريين إستشهدوا عالجزر .. تبقى مصرية يعني ” .. النهاردة الأستاذ لميس جابر قالت نصاً ” لا قدر الله لو اتحكم بمصرية “تيران وصنافير” هنلجأ للتحكيم الدولي ”

– المركز الثاني – التعريصة الطائفية

التعريصة الإحترافية بتعجبني في العموم ولازم نحترمها .. التعريصة الطائفية المرة دي قدمها أخونا في الله وائل منصور – كادر سلفي أصيل – بيقول إن المستشار محمد الدرمرداش إللي قاعد على يمين المستشار يحي الدكروري إللي اصدر الحكم بمصرية الجزر .. الراجل دا بقى ابوه كان متجوز من واحده إطلقت منه علشان إتضح إنه شيعي .

طيب نفهم من كدة إية ؟ إن الحكم خطة إيرانية شيعية لمنع سيطرة السعودية عليهم .. ولتقزيم دورها في الدفاع عن أهل السنة .

– المركز الأول – التعريصة اليالهواااااي يا جدعان

مش في حكم من المحكمة بمصرية الجزر .. هيئة قضايا الدولة بالنيابة عن رئيس الجمهورية بصفته ورئيس الوزراء بصفته ووزير الدفاع بصفته .. قاموا بتقديم طعن على حكم قضائي بعودة تيران وصنافير للسيادة المصرية .

حقيقي مش لاقي أعلى من التعريصة دي أحطها في المركز الأول .. سيبك من رئيس الجمهورية وسيبك من رئيس الوزراء .. هتتكتب ازاي دي في التاريخ إن وزير دفاع الجيش المصري قدم طعن علشان يبيع جزر استشهد عليها أكتر من 40 عسكري وظابط للدفاع عنها .. هيكتب ازاي دولة قررت تتنازل على سيادتها على الممر المائي الوحيد لقناة السويس وخليج العقبة واسرائيل